Ginahibalo pa tubtob sa karon sang National Grid Corporation of the Philippines ukon NGCP kun ano ang nangin ugat sang natabo nga grid disturbance sang 1:51 pm kahapon nga nag resulta sa kakulang sang supply sang kuryente sa Visayas.
Bangud sang deperensya sa grid, nag issue sang red kag yellow alert ang NGCP kag nag patigayon man sang manual load dropping agud ma balanse ang supply sang kuryente sa mga konsumedor.
Indi pa mahambal sang NGCP, kun naga kaigo na ang supply sang kuryente sa karon bangud nga may mga power plants pa sa gihapon nga wala naga operate matapos ang natabo nga disturbance kahapon.
Posible mag issue sa liwat sang yellow alert karon sa gab-i ang NGCP kun may kakulang pa sa supply sang kuryente.
Subong nga hapon may pila ka mga lugar nga naka eksperyensya sang fluctuation sang kuryentye sa Bacolod gani nagpabutyag na naman sang kainit ang mga konsumedor bangud sang halit sini sa appliances.
Gin klaro man sang NGCP nga ang kakulang sang kuryente ang dala lang sang wala pa matumod nga deperensya sa grid kahapon kag indi pa masiling sang NGCP nga dala ini sang mainit nga panahon.