Collection route plan luyag ni Mayor Greg Gasataya nga ma plastar sang IPM para masolusyunan ang problema sa basura.
Sa meeting ni Mayor Greg Gasataya upod tagdumalahan sang IPM CDC nga amo ang private garbage collector sang siudad ginplastar ang mga kadamuon sang equipment nga ginagamit sa paghakot sang basura, ang trash to cash back program para mabuhinan ang nagalab-ot nga basura sa landfill kag ang pag-donate sang mga dugang nga mobile garbage bin sa mga barangay para makolekta ang mga basura sa mga lugar nga indi malab-ot sang dumptrucks.
Pero ginsiling sang alkalde nga magluwas sa mga donasyon kag iban pa, mas nagakaangay nga ma-plastar sang IPM ang ila Collection Route Plan sa tuyo nga matagaan giya ang mga pumuluyo ilabi na ang mga nagapuyo sa mga subdivision nga masami nagaproblema sa hakutay sang basura.
Sadto anay may yara sa tracking system nga ginapatuman ang IPM.
Pero mismo mga personal cellphone ang ginagamit sang mga driver sang dumptruck para maka-angut sila sa real-time GPS tracking system.
Pila sa mga truck driver ang wala man sang cellphone kag kun may ara man iban diri ang indi smart phone ukon maka-connect sa online system.
Ginpaandaman na damlag pa sang alkalde ang private garbage collector nga iplastar kag pasanyugon ang ila pagserbisyo antes pa man posible nga mangita ang siudad sang sarang magabulos sa ila sa serbisyo.