Pagtalana sang green route ukon rota para sa mga electric jeepney sa siudad kag paghinyo sang pondo para sa upgrading sang Bacolod-Silay Airport kabahin sa iga-present sang Bacolod LGU sa pagbisita ni Department of Transportation Secretary Vince Dizon sa Biyernes.
May tatlo ka mga rota nga para sa mga maga-byahe nga electric jeepney sa Bacolod ang tubtob karon wala pa ma aprobahan sang Land Transportation Franchising and Regulatory Board.
Suno kay Councilor Al Victor Espino kabahin ini sa iga-present ni Mayor Albee Benitez sa natalana nga pagbisita ni Secretary Dizon sa siudad sa Biyernes.
Gindugang ni Espino nga magahinyo man sang bulig ang Bacolod LGU gikan sa pamunuan sang DOTr agud nga matigayon ang upgrading sang Bacolod – Silay Airport sa Barangay Bagtic sa siudad sang Silay.
Ginpahayag sadto ni Mayor Benitez nga may P400M na nga pondo gikan sa TIEZA kag CAAP para sa renovation sang terminal facility kag improvement sang runway.