Sa paghagan-hagan sang tension sa global market matapos ang ceasefire sa tunga sang Israel kag Iran, ginalauman nga magapanubo ang mga oil firms sang ila presyo sa gasolina kag krudo.
Base sa forecast, maganubo sang piso ang presyo sang gasolina kada litro, samtang ang diesel naman ang maganubo sang tubtob singkwenta sentimos kada litro.
Ginalantaw man nga ang presyo sang kerosene ang maganubo sang tubtob P0.80 kada litro.
Ini ang ikaduha na nga semana nga may pagnubo sa presyo sang gatong.
Suno kay Rino Abad, director sang Oil Industry Management Bureau sang Department of Energy, isa man sa ginalantaw rason sa pagnubo sang presyo sang produktong petrolyo amo ang plano sang Organization of the Petroleum Exporting Countries kag mga allies sini nga mag-produce sang dugang nga 411,000 oil barrels kada adlaw para sa bulan sang Hulyo, nga ginalauman nga magabulig sa global supply.