Siudad sang Bacolod maga-review sang mga road projects sang mga contractors kag maga-monitor man sang mga proyekto sang Department of Public Works and Highways.
Nagmandu na si Mayor Albee Benitez sa katapo sang City Engineers Office nga usisaon ang mga road contruction projects, ilabi na ang wala pa matapos sang mga contractors sang siudad.
Luyag man mapasiguro sang alkalde ang date of completion sang sini nga mga proyekto pati na ang mga road kag drainage project sang DPWH nga sarang maka-apekto sa lakat sang trapiko sa siudad.
Suno kay City Administrator Pacifico Maghari, III, iga-review man sang siudad ang mga proyekto sang ila mga contractors agud mapatuman ang mga penalidad kun may mga violations nga makita.
Nagapakig-angut naman ang DPWH sa siudad agud matigayonang mga pagpanghanda upod sa Bacolod Traffic Authority Office para sa ila pagapatigayunon nga proyekto.