Lacson Street kag Circumferential Road kabahin sa mga dalan nga temporary pasirad-an sa MassKara Festival 2024 sa Bacolod City.
Sa Oktubre 25 asta 27 liwat nga ipatuman sang Bacolod Traffic Authority Office ang temporary road closure sa Lacson street.
Sa Lacson Street ginasaulog ang MassKara Music Festival kun diin ginapatigayon ang tuigan nga street party.
Ginpahayag ni BTAO Deputy Jose Antonio Robello, temporaryo man ipatuman ang road closure sa halin sa intersection sang Circumferential Road kag Burgos Street asta sa Bacolod City Government Center para sa natalana nga MassKara Elektroika Diva sa October 26.
Kadungan sang mga natalana nga road closures ipatuman sang BTAO ang truck ban kada Lunes asta Biyernes halin 4am asta 8am kag 4pm asta 8pm.
Wala na sang truck ban kun weekend sa bulan sang Oktubre.