Kapin sa 500 ka mga salakyan ang ginapaabot sang Bacolod City Legal Office nga mag-upod sa patigayunon nga parada sa Hunyo 18, kadungan sang ika 88 nga Charter Day Anniversary sang siudad.
Ginsiling ni Levy Pangue, nga magapamuno sang nasambit nga parada, sumugod las 6:30 sang aga sa Huwebes, sirad-an ang pila ka dalan tubtob nga matapos ang parada.
Temporaryo nga isira ang North Capitol Road, dalan sang Lizares, Hernaez, Rosario, San Sebastian, kag Gatuslao.
Bangud sini temporaryo nga maapektohan ang ruta sang mga nagabyahe Bata, Mandalagan, Banago, Punta Taytay, Alijis, Tangub, Singcang Airport, Shopping, Fortune Towne kag Homesite nga jeep.
May 60 ka mga personnel sang BTTMD ang ipahamtang sa mga dalan agud mag mando sang trapiko sa tion sang parada.
Samtang, gin-anunsyo naman ni Bacolod City Mayor Greg Gasataya nga mangin guest speaker sa amo nga kahiwatan si Negros Occidental 3rd District Representative Miguel Javier Benitez.*
[sibwp_form id=1]