Road closure ipatuman sa natalana nga pagsaulog sang Bacolaodiat Festival sa Bacolod.
Sa Enero 20 natalana ang Dazzling Grand Parade sa The Upper East sa liwat nga pagbukas sang Bacolaodiat Festival makaligad ang tatlo ka tuig. Gani natalana man nga ipatuman ang road closure halin sa Lopue’s East Area palapos sa Lopez Jaena Street.
Ang Bacolod City Government Center kag SM City Mall kabahin man sa festival site nga sarang dagsaon sang mga tumalan-aw sa 3-day celebration.
Suno kay Councilor Jason Villarosa, chairman sang Committee on Tourism sang konseho, aprobado na sang konseho ang P3 milyon nga pondo para sa tuigan nga okasyon.
Ginpakamaayo naman sang siudad nga kakason na ang mga naandan nga activities sa Lacson Street bangud man sang mga reklamo sang mga negosyante kag motorista. Ang Bacolaodiat Festival kabahin sa mga atraksyon sa siudad sa pagsaulog sang Chinese New Year.