Department of Health ginpasaka ang risk kag alert level sang Negros Occidental kag Bacolod City.
Ginpasaka sang Department of Health ang Covid-19 risk classification sang Bacolod City gikan sa low pakadto sa high risk. Ini ang suno kay Dr. Bea Camille Fillario Natalaray, DOH medical officer 3 sang DOH Region 6.
Ang Negros Occidental nga gikan sa low ginhimo nga moderate risk ang DOH.
Ang alert level sang Bacolod kag Negros Occidental ginpasaka man sa alert level three, nagakahulugan nga naga damo na naman ang kaso sang Covid-19.
Dugang pa na Natalaray, sa duha ka semana nga Covid growth rate nagdangat sa 27 percent ang Bacolod kag 18 percent ang Bacolod.
Sang kahapon sa record sang DOH Region 6 may 126 ka bag-o nga kaso sang Covid-19 sa Negros Occidental kag 65 naman sa Bacolod.
Ang bilog nga Western Visayas ginbutang sa high risk. Ang Guimaras, Iloilo province, kag Iloilo City ang ginkabig nga high risk samtang ang Aklan kag Capiz naman mga moderate risk kag ang Antique ang low risk.