Right of way kag permits kabahin sa mga kabangdanan nga nagadamo ang illegal connection sa CENECO franchise area.
May 5,000 tubtob 6,000 ang kadamuon sang natalupangdan mga illegal connection sang nagpatigayon sang survey ang Negros Electric and Power Corporation kag Central Negros Electric Cooperative.
Siling ni NEPC President Roel Castro, May 8,000 ka mga kuntador ang ila nakit-an nga wala sang mga selyo.
Pahayag ni Ceneco Acting General Manager Atty Arnel Lapore, indi pa nila mapat-ud kun bala kabahin sang mga numero ang iligal nga pagpangawat sang kuryente rason nga nagalab-ot sa kapin P300M ang systems loss sang distribution utility tuga sang pilfirage sang nagliligad nga tuig.
Gin ako ni Lapore nga kabahin sa ila mga kabudlayan ang right of way kag mga requirements sang Office of the Building Official ilabi na sa mga lugar nga madamo ang informal settler families rason nga madamo sa mga konsomedor ang naga-tap sang linya sang kuryente sa ila malapit nga kaingod.
Nagalaum si Lapore nga sa idalom sang pagdumala sang NEPC matigayon nga mabuhinan ang kadamuon sang illegal connection sa franchise areas sang Ceneco.