Patay ang isa ka rider matapos magbungguanay ang motorsiklo sini sa isa ka pickup truck sa dalan nga sakop sang Barangay Alijis sa syudad sang Bacolod, kaina Biyernes sang kaagahon.
Sandig sa imbestigasyon, sakay ang 27-anyos nga soltero sa iya Honda Click 125 nga motorsiklo kag padulong sa nasidlangan nga bahin sang highway sang nagbungguanay ini sa sugata nga Hilux pickup truck.
Wasak ang motorsiklo kag guba man ang pang-unahan nga bahin sang pickup truck nga ginamaneho sang 23-anyos nga lalaki.
Nagtinguha ang mga rescuers nga makuha ang rider nga nagsuhot sa idalum sang salakyan.