Naabtan sang mga rescuers ang lalaki nga nagahigda tupad sa iya motor sa Murcia Road sakop sang Purok Katilingban sa Barangay Mansilingan, Bacolod City, mga las 5:04 sang kaagahon, Martes, Hulyo 14. May mga pilas sa iya nga nawong ang biktima.
Wala na sang “signs of life” ang biktima nga ginkilala kay alyas “Leo”, taga Brgy. Mansilingan sa Bacolod, sang nag-abot ang mga rescuers.
Base sa imbestigasyon sang Traffic Enforcement Unit, isa ka pula nga jacket ang nag burambod sa kadena sang Rusi nga motor sang biktima, nga posible amo ang gintunaan sang insidente.
Gindala ang bangkay sang biktima sa punerarya samtang ang iya motor ang ginturn-over sa Traffic Enforcement Unit Office para sa safekeeping kag dugang nga imbestigasyon.
[sibwp_form id=1]