Yara karon sa Intensive Care Unit sang ospital ang rider nga gin-alegar biktima sang hit-and-run sa atubang sang isa ka subdivision sa Brgy. Mandalagan, Bacolod City, mga la 1:30 Biyernes sang kaagahon Marso 27.
Sa inisyal nga imbestigasyon, nagbungguanay ang Honda Click sang biktima nga ginkilala kay alyas “Diomedes”, taga Brgy. Dulao sa Bago City, kag ang isa ka Volkswagen nga salakyan.
Natumba sa semento nga dalan ang rider kag naka agum sang mga pilas.
Gin-alegar sang mga saksi nga hubog ang driver sang Volkswagen, nga wala nagpapugong sa guard sang subdivision kag nagpalagyo padulong sur nga direksyon.
Ginsiling ni Police Major Elmer Bonilla, chief sang Traffic Enforcement Unit nga paagi sa verification sa system sang Land Transportation Office kag tungod nakuhaan man sang plate number ang salakyan, nakilal-an ang registered owner sini.
Ugaling, wala pa mahibaluan kung sin-o ang driver sang salakyan sa tion sang insidente.
[sibwp_form id=1]