Halin sa tag dies mil pesos nga reward money para sa liwat nga pagka aresto sang lima ka mga nalagyo nga persons deprived of liberty ukon PDL sa Negros Occidental District Jail, ginpasaka sang Bureau of Jail Management and Penology 6 sa kinse mil pesos ang padya para magkaladakpan ang duha sa lima ka mga preso.
Nagligad lang nga Biyernes sang napatay si Danilo Celeste sa manhunt operation sang BJMP 6 kag Talisay City PNP sa Barangay San Fernando sa siudad sang Talisay.
Ini antes napatay man sa manhunt operation ang iya utod nga si marvin celeste kag nadakpan ang kaupod nila nga si Daniel Tamo sa Barangay Blumentritt sa banwa sang murcia sang Miyerkoles.
Padayon pa nga ginapangita sanday sang Alejandro Montoya nga taga siudad sang Victorias kag Francisco Epogon nga ginakabig katapo sang Epogon robbery group.
Hunyo biente siete sang nalagyo ang lima sa Negros Occidental District Jail sa Barangay Tabunan sa Bago City.