Shadow

5 ka mga jailguards sa NODJ pagabuslan sa buwas

Lima ka mga jailguards nga napalagyuhan sang lima ka mga preso sa Negros Occidental District Jail ang natalana na nga ilisan bwas!

Natapos na ang 21 days nga isolation period para sa lima ka mga katapo sang Bureau of Jail Management and Penology 6 nga magabulos sa lima ka mga jailers sang Negros Occidental District Jail.

Suno kay Atty. Jairus Dogelio, spokesperson sang BJMP 6, bwas pwede na makatal-us ang lima ka personnel sa ginpang-relieve nga jailers.

Nauna na nga gin-relieve ang jail warden sang NODJ makaligad lima ka mga persons deprived of liberty ukon PDL ang nalagyo sang hunyo biente nuebe sa barangay tabunan sa siudad sang Bago.

Isa sa mga pdl ang nadakpan na, duha ang napatay sa separado nga manhunt operation. Samtang duha ang padayon pa nga ginapangita.

May kinse mil pesos nga reward nga gintanyag ang bjmp para sa ila madasig nga pagkadakop.

Leave a Reply

Your email address will not be published. Required fields are marked *

Secured By miniOrangeSecured By miniOrange