57 anyos nga retired seaman nahauna nga nagfile sang Certificate of Candidacy sa pagka-konsehal sa Bacolod para sa natalana nga 2022 local elections.
Sa una nga adlaw para sa filing of certificate of candidacy, una nga nag-file sang COC si Allan Arroyo, 57 anyos nga retired seaman gikan sa Barangay Sum-ag nga liwat magapapili sa pagka-konsehal sang Bacolod.
Bilang independent candidate handum niya nga matagaan sang dugang nga kasanag ang mga dalanon sa siudad.
Ginalauman naman sang pamunuan sang Comelec-Bacolod nga temprano pa magfile sang COC ang mga magakandidato agud man mapaiway ang posible pag-ginutok antes sang natalana nga deadline sa Oktubre 8.
Ginapaiway ang pagsulod sang mga supporters sa Comelec compound kag ang ano man nga gimik.
Gani hugot nga nagabantay man sa lugar ang kapulisan upod sa katapo sang explosives ordnance division para mapasiguro ang kalinong.