Patay ang retirado nga pulis nga si Retired Col. Rolen Balquin nga nagaserbi bilang City Public Officer sa syudad sang Cotabato.
Sa Facebook post sang city government sang Cotabato City, naga upod sila sa kalisod sang pamilya ni Balquin kag gina pangayo nga matagaan sang hustisya ang iya kamatayon.
Natabo ang pagpaniro Sabado sang aga. Nagapatigayon sang routine rounds ang Composite Quarantine Team sa nagkalain lain nga establisyimento sa syudad agod usisaon kon nagasunod sa minimum health protocols.
Sa karon may persons of interest na ang PNP kag naga padayon ang ila nga imbestigasyon.
Si Balquin ang naka-agi assign sadto bilang pamuno sang PDEA sa Rehiyon Sais kag naka agi man siya director sang Cotabato City Police Station.