Yara na sa advanced state of decomposition sang makit-an ang bangkay ni Queenie Aguirre sa kilid sang sapa sa Purok Sto. Domingo sa Barangay Handuman sa Bacolod City sang nagligad nga Sabado.
Ang lima ka tuig nga bata ang na-missing sang Disyembre 21 sa ila balay sa Purok Maniville sakop sang amo man nga barangay.
Ginsiling ni Police Station 10 commander Police Captain Sherwin Galupar nga indi pa nila mapat-ud kun bala may foul play ukon aksidente nga nalumos ang bata.
Gani magahulat man sila sang resulta sang autopsy examination nga ginapaabot mag-gwa sa Lunes.
Si Mayor Albee Benitez ang nagmando sang maid-id nga pagpang-usisa insidente sa tuyo nga mapanabat ang mahimo responsable sa kamatayon sang menor de edad.
Nagpalab-ot man siya ang bulig dungan sa pag-unong sa kalisod sang pamilya nga nalisdan.