Dala sang paniempo karon nga naga ulan kag naga init, uso ang respiratory diseases kag ini ang balantayan.
Suno kay Provincial Health Officer, Dr Girlie Pinongan
Padayon ang ila nga monitoring sa dengue cases sa probinsya. Pero ang respiratory diseases ila man nga gina tutukan.
May mga reports sa gihapon sang COVID-19 sila nga mabaton suno kay Pinongan pero wala naman sang hospital admissions.
Wala man nila gina duso ang swabbing pero sa mga may nakitaan sang sintoma kaangay sang ubo kag pagkadula sang panabor ini sila ang naga mato-mato na.
May kaso man sang respiratory illnesses sa mga eskwelahan suno sa iya.
Mas maayo nga mag andam kag protektahan ang kaugalingon.