Indi lang bulong kag Covid-19 beds ang ginakulang sa karon nga nagasaka ang kadamuon sang Covid-19 cases kag deaths sa Bacolod.
Pati supply sang medical oxygen ang iwat na karon gani ang Sangguniang Panlungsod pinaagi kay Councilor Renecito Novero ang nagaduso sang resolution nga maga-regulate sang pagbaligya sang medical oxygen agud man matatapan ang naga iwat na nga supply.
Suno kay Dr. Chris Sorongon, deputy for medical data and analysis sang Bacolod Emergency Operation Center, indi malipod nga mahimu may magapamentaha sa sitwasyon.
Humalin sang nagligad nga inadlaw halos laka na lang nga supply sang medical oxygen ang naga abot sa mga dealer.
Samtang, kaina ginsugdan naman sang katapo sang Philippine Obstetrical And Gynecological Society upod sa EO ang pagpangbakuna para sa mga nagabusonog, nagapatiti kag sa mga bag-o lang nagbun-ag sang lapsag.
Kapin sa 500 ka mga indibidwal ang target nila mabakunahan sa Ayala mall.
Sa madasun nga semana, ginapaabot man sang EOC ang dugang nga medical personnel lakip na mga medical supplies nga ila ginhinyo halin sa Department of Health 6.