Nagalapta sa karon sa social media ang post sang isa ka residente sang Lumina Subdivision sa Barangay Vista Alegre sa Bacolod City sa natabo nga pag butang sang higot sa tunga sang dalan nga nag resulta naman sa pagkapilas sang iya kaingod.
Sa post ni Mary Cristine Castronuevo, las dose sang kaagahon kahapon sang mag agi sa dalan pasulod sa subdivision sakay sa motorsiklo ang iya kaingod sang sila ang nasalawid sa higot nga naga balabag sa tunga sang dalan.
Suno kay Casrtonuevo, maswerte na lamang nga mahinay lang ang pag padalangan sang motor sang iya kaingud pero nag agum ini sang pilas sa liog bangud sang higot.
Suno kay Captain Elmer Bonilla, hepe sang Police Station 6, mahimo pagpangawat ang tuyo sang mga may kahimuan sini amo kun ngaa gin butangan nila sang higot nga naga balabag sa dalan.
Iya ginpahayag nga ang PNP ang maga patigayon sang checkpoint kada gab-i sa amo nga dalan agud malikawan ang kaangay pa nga insidente.