Recovered. Ini ang pagkabig karon sa 52 anyos nga ROF nga pinaka una nga Delta variant case sang Negros Occidental matapos nga nag negatibo ang iya resulta sa re swabbing nga ginpatigayon.
Suno kay Dr Ernell Tumimbang negatibo na sa virus ang 52 anyos nga taga Talisay City base sa resulta sang iya nga swab test nga ginpatigayon man kahapon.
Kagab-i nag gwa ang resulta gikan sa laboratory sang ospital kun diin sya gin swab. Suno kay Tumimbang base sa pagsulundan wala na nagakinahanglan nga ipaidalom pa sa swab test ang iya nga pamilya.
Sa consultation sa Regional Epedimiology Surveillance Unit nakabig na nga recovered ang 52 anyos.
August 11 nag abot sa probinsya ang natungdan. Humalin July 20 nag quarantine ini sa Manila kag August 11 sang ma hatagan clearance sang Bureau of quarantine.
Gikan sa United Arab Emirates ang 52 anyos. Kun nakapanglaton man siya suno kay Tumimbang ini sang tion pa nga yara siya sa Manila.
Agosto 25 sang nabaton sang probinsya ang pagpahibalo sang Vicente Sotto Molecular Lab angut sa amo mga Delta variant case.
“Kun enkaso nga do we need to swab sang other members of the family, indi na kay because negative siya. Recovered siya. Kun nag positive siya then ang immediate members of the family and other close contact will be considered as first generation contact,” suno kay Tumimbang.