May yara sang traffic rerouting nga ginpatuman sa Panaad Park may kaangtanan sa pagsaulog sang Panaad sa Negros Festival nga maga sugod na sa Lunes.
Suno kay Cheryl Decena Provincial Tourism Officer kag naga serbe man nga executive director sang Panaad sa Negros Festival may mga major changes nga ginpatuman sa dalagan sang trapiko sa pag pasiguro nga mangin sulhay ang lakat sini. Ang mga salakyan gikan Aljis nga may yara sang car pass ang magalabay sa Dona Carmen Avenue ukon pasulod sa bangga Lopue’s kag maga agi sa main entrance sang stadium kag maga park sa designated parking area ukon maga exit sa Mansilingan area. Ang wala naman sang car pass ang maga agi sa Panaad Village kag didto dapat mag park sa area number 5 ukon 3, ukon mag exit sa Mansilingan area.
Ang mga gikan naman sa Mansilingan nga salakyan nga may car pass ang pwede maka agi sa Mansilingan-Handuman, paliko tuo sa bangga Taala, ukon sa Arceo Drive bangga Robinson. Ang Dona Carmen Avenue ukon ang dalan pasulod gikan sa bangga Lopue’s ang two way humalin la una sang kaagahon tubtob launa sang hapon. Mangin one way naman humalin la una sang hapon tubtob la una sang kaagahon.
“Subong we did major changes, like we rented the space used by the carnival sa Mansilingan exit, which is now rented by the province for the duration of the festival. It’s made into extra parking spaces”, suno kay Decena.