Magapatuman sang temporaryo nga road closure kag re-routing scheme sa dalan Burgos sa Bacolod City humalin Oktubre 31 tubtob Nobyembre 2, bilang kabahin sang pag-pasiguro sang tayuyon nga lakat sang trapiko sa Tigkalalag.
Suno kay Atty. Reuben Mikhail Sabig, hepe sang Bacolod Traffic and Transport Management Department ukon BTTMD, magasugod ang pagpatuman sang traffic scheme las 6 sang aga sa Oktubre 31 tubtob sa gab-i sang Nobyembre 2.
Ang full road closure ang ipatuman sa Burgos Street sa gwa sang Burgos Public Cemetery, halin sa Police Station 4 tubtob corner Lopez Jaena, kag ini ginlaragway bilang full road closure.
Apektado sang re-routing ang mga rota sang salakyan nga naga biyahe sa Homesite, Fortune Town, Granada kag Alangilan, nga magaagi sa alternatibo nga mga dalan samtang ginapatuman ang traffic rerouting.
May yara man sang one-way portion sa Burgos Street halin sa corner 888 tubtob Lopez Jaena kag sa Lopez Jaena Street halin Burgos tubtob San Agustin.
May porsyon sang dalan nga maga serbe nga palarkingan sang mga nakadto sa patyo.*