Padayon ang pagnubo sang reported hog deaths sa Negros Occidental. Sa July 25 nga report sang Provincial Veterinary Office, 24 ang reported swine deaths.
Tayuyon na nga naga pabilin sa 2-digits ang recorded nga hog deaths.
20 sa gihapon ka mga banwa kag siudad sa probinsya ang apektado.
197.6 million pesos naman ang balor sang kahalitan nga natuga sang swine deaths.
Samtang, gin turn-over naman sa probinsya ang 1.2 million pesos nga pondo nga para sa mga training sang mangunguma kag mga mangingisda sa idalom sang Province-led Agriculture and Fisheries Extension System ukon PAFES. Suno kay Vianney Ojerio Senior Agriculturist kag Focal Person for Regional PAFES, pilot province ang Negros Occidental.
Ang PAFES ang initiative sang Department of Agriculture may kaangtanan sa pag patuman sang Mandanas ruling nga naga tib-ong sang financial capabilities sang LGU sa pag patuman sang agricultural programs kag projects.