Environmental Management Bureau sang Negros Island Region ang naga verify sa karon kun may yara sang tree planting kag oil palm planting nga gina patigayon sang Hacienda Asia Plantations Inc sa sa banwa sang Candoni.
Suno kay Vicente Losbañes ang OIC Regional Director sang EMB NIR nakabaton sila sang sulat gikan sa isa ka grupo nga naga siling nga may gina patigayon nga tree planting kag pag pananum sang seedlings sang oil palm.
Suno kay Losbañes nag padala na sila sang team para mag verify sa sini nga mga gin-report nga activities.
Pero sila ang maga pakig-angut man sa talatapan sang Department of Environment ang Natural Resources kun gintugutan ini.
Kun wala sang clearance ini gikan sa DENR suno kay Losbañes sarang nga mapapanaugan sang notice of violation kag stoppage order ang HAPI.
Paathag niya ang damlag pa Cease and Desist Order nga na issue sa HAPI napatuhoy lamang sa mga earthmoving activities bangud sang kapaslawan sa pag comply sa environmental compliance certificate ukon ECC.
Nangin kontrobersyal ang pag operate sang oil palm plantation sa Candoni bangud sang gina siling pila ka mga kapaslawan sang kumpanya sa pag comply sa mga gina require sini.
Samtang, gina paabot naman ang pag present sang HAPI sang amended Comprehensive Development and Management Plan sini nga bulan sang Oktubre.
“Kun may ara sila nga activity nga beyond sa CDO, that’s why gin pa validate naton ini siya, para maka issue kita notice of violation and stoppage order. Ipa stop naton ini that’s why naga coordinate kami sa DENR kun bala allowed na sa ila pero kun indi allowed dapat may ara kita sang violation man sa ila”, suno kay Losbañes.