5th district Representative Dino Yulo ang naga upod sa panawagan para sa national intervention agudto mapa hagan-hagan ang pag nubo sang presyo sang kalamay.
Sa statement nga gin-release ni Yulo sa katapo sang media, iya ginsiling nga kinahanglan mabuligan gilayon ang mga sugar producers labi na ang mga magagmay nga planter nga tuman na nga naga batyag sang epekto sang padayon nga pag nubo sang presyo sang kalamay. 80 porsiento sa sugar industry nga magagmay nga planters
Suno kay Yulo isa sa mga tikang nga pwede ipatuman amo ang pagsugod bakal sang gobyerno sang kalamay direkta gikan sa producers sa presyo nga maka ganar man sila gikan sa ila nga kapierdehan. Napatuman ang kasubong nga tikang sang nagmando man sadto ang gobyerno sa National Food Authority nga mag bakal sang palay sa mga mangunguma. Pwede man suno kay Yulo nga ang gobyerno pwede direkta mag baligya sa mga consumer para manaog man ang retail prices.
Ang presyo karon suno sa iya naga pakita sang 40,000 pesos nga kapierdehan sa kada ektarya. Mga small farmers ang naga panag-iya sang isa tubtob tatlo ka ektarya.