Navotas Rep. Toby Tiangco nagapati nga para sa reporma sa kongreso, si Bacolod Cong. Albee Benitez ang dapat mangin house speaker.
Sa interview kaina sang aga sa ANC sa kay Cong. Tiangco iya ginkumpirma nga may mga kongresista nga luyag sang pagkambyo sa liderato sang kongreso ilabi na karon sa eskandalo nga gina pangatubang sini.
Dugang pa niya, gin istoryahan na nila ni Bacolod Lone District Congressman Benitez nga mas mayo kun siya na lang ang mangin house speaker.
Nagapabor naman diri kuno ang iban nga mga mamalidha pero ang ila lang sa karon nga gina paligban kun bala makuha nila ang numero para mapakambyo ang liderato sang kongreso.
Kahapon gid lamang napahalin si Senator Francis Chiz Escudero bilang senate president kag ginbuslan ni Senator Tito Sotto.
Si Tiangco ang naka diskubre sa binilyon ka pesos nga mga insertions nga ginhimo sa budget.
Isa man siya sa mga wala nagboto kay House Speaker Martin Romualdez para magpamuno sa kongreso.
Ang iya ngalan ang isa man sa mga nagtuhaw nga posible mangin house speaker magluwas sa kay Benitez.
May impormasyon si Tiangco nga indi magpasugot ang kampo ni House Speaker Romualdez nga buslan siya ni Benitez pero kun si Tiangco naman ang pamangkuton, kun luyag sang mga kongresista sang pagbag-o sa kongreso si Benitez ang nagakaangay nga mamuno sa lower house.
[sibwp_form id=1]