Nagpadala sang pormal nga komunikasyon si Negros Oriental 3rd District Congressman Arnolfo “Arnie” Teves sang duha ka bulan nga leave of absence sa House of Representatives.
Sa sulat nga na-address kay House Speaker Ferdinand Martin Romualdez, ginpabutyag ni Teves ang dako sini nga pagkabalaka sa iya nga seguridad kag subong man sang iya nga pamilya.
Ginpasiguro naman ni Teves nga magabalik ini sa trabaho sa tion nga masiguro na sini ang ila nga safety.
Si Teves ang ginatudlo nga mastermind sa pagpatay kay Negros Oriental Governor Roel Degamo sadtong Marso 4 sa pihak nga yara ini sa Amerika agud nga magpabulong kag tubtob sa karon wala pa nahibaluan kun sa diin na ini.