90 porsyiento na ang construction angut sa renovation sang Mayor’s Office sa Bacolod City Government Center.
Siling ni City Administrator Pacifico Maghari, III, posible nga mahuman ang proyekto sa madasun nga semana antes sang State of the City Address ni Mayor Albee Benitez sa Hulyo 5.
Naglab-ot sa P16 million ang pondo nga gintalana para sa renovation sang opisina sang alkalde. Bangud man sang mga reklamo nagdesisyon ang alkalde nga sabton ang gasto sa pagpakaayo sang Mayor’s Office agud nga magamit ang pondo para sa pagpakaayo sang public comfort rooms.
Natapos na sang City Engineer’s Office ang pagkaayo sang CR sa LGU booth sang Bacolod sa Panaad Park and Stadium.
Sunod nga ginatun-an nila nga makay-o ang mga CR sa Bacolod Public Plaza.