Relocation sang mga pumuluyo nga yara sa four kilometer permanent danger zone sang bulkan Kanlaon ang naga pabilin nga pagpanghangkat.
Suno kay John de asis ang disaster Risk Reduction Management Office Head sang La Castellana may kinse mga pamilya ukon 50 ka individuals nga ang mga puluy-an kag palangabuhian yara sa nasakpan sang 4km permanent danger zone nga kabahin sang Brgy Masulog kag Biak na Bato.
Ini sila sa karon ang yara sa relocation site sang ila nga mga barangay.
Pero sa adlaw sila ang gina tugutan nga mag balik sa ila mga lugar para man sa ila palangabuhian suno kay de Asis.
Nagapabilin man ang ila kasapatan sa lugar.
Indi masarangan sang banwa ang bilog nga kagastuhanan sa pag relocated sa ila.
Ginsiling ni Office of the Civil Defense Regional Director Raul Fernandez nga ang ila talatapan ang naga coordinate sa iban man nga ahensya sang gobyerno agudto matigayon ang relocation sang mga yadtong yara sa permanent danger zone.
May yara man sang mga lugar sa La Carlota City kag Bago City ang nalakip sa 4km permanent danger zone.
Suno kay Fernandez willing man mag comply ang ini nga mga lgu sa rekomendasyon nga dapat wala na sang human activity sa amo nga lugar ugaling ang mga lgu may yara sang funding limitation.