Ang P50 million pesos nga nabaton sang probinsya para sa bagyo Tino nga bulig ang sa karon wala pa man matandog.
Suno kay Negros Occidental Governor Eugenio Jose Lacson sa interview sang media sang Sabado, ini bangud kinahanglan pa nga mapirmahan anay ang Deed of Donation.
Gikan ang pondo sa Presidential Assistance Fund. May yara sang delay suno kay Lacson bangud ang isa sa mga signatories sa amo nga dokumento, si anay USec Adrian Carlos Bersamin sang Presidential Legislative Liaison Office, ang nag-resign gikan sa position.
Nagalaum siya nga mahatagan sang konsiderasyon ang deed of donation bisan pa nga wala sang lagda ni Bersamin.
Kasubong man ang sitwasyon sa pondo sang La Castellana kag Moises Padilla.
Sa karon sila ang naga hulat pa sang feedback angut sa releasing sang pondo.
Paathag ni Lacson, nahangpan niya nga naga dali man ang mga na-igo sang bagyo nga mabaton ang bulig, pero naga halong man sila sa pag pa gwa sang pondo bangud mabudlay man nga ma kwestion sang Commission on Audit sa ulihi.*