Mayor Albee magahulat sang rekomendasyon sang DENR sa ginaplano nga intake water pump and filtration project sa Matab-ang River.
Indi luyag ni Mayor Albee Benitez nga matabo sa siudad ang malala nga pagbaha sa Dubai.
Nagapati siya nga ang paglala sang kalamidad ang epekto sang climate change.
Amo nga antes pa suguran sang City Engineer’s Office ang construction sang ginaplano nga intake water pump filtration system sa Matab-ang river, ang alkalde ang magahulat anay sang abiso kag rekomendasyon halin sa Department of Natural Resources Office.
Luyag tagaan sang konsiderasyon sang alkalde ang mangin epekto sang infrastructure project sa palibot ilabi na sa suba nga ginagamit sang mga residente sang Bacolod kag Talisay.
Ang proyekto ang ginalauman sang siudad nga makahatag sang dugang nga 20 million liters a day nga supply sang tubig agud mapun-an ang kakulang sang Baciwa Primewater sa mga konsumedor sang siudad.