Gindismiss aang Prosecutor’s Office ang reklamo batuk sa kay Romnick Adalim matapos makuhaan sang mga sample ballots kag kwarta sa checkpoint sa Burgos Street, Brgy. Lutao, Bacong, Negros Oriental sang Sabado.
Gin-dismiss ang reklamo bangud ang mga ebidensya ang wala nakuha in plain view sa checkpoint kag nakuha ini sa envelope sa sulod sang U-box sang motor.
Ini ang ginsiling ni Assistant Elections Regional Director Jossil Macute sang COMELEC Negros Island Region.
Paathag niya, ang checkpoint inspection sang pulis ukon military ang limitado lang sa plain view doctorine ukon ano lang ang makita sang mata kag indi na dapat pa nga may pang buksan nga mga butang.
Sang ginpangitaan ang suspek sang lisensya, ginbuksan niya ng u-box sang iya nga motor kag didto na nakita sang pulis ang mga envelope nga may unod nga kwarta kag sample ballots.
Nakuha sa iya ang 48 ka long white envelopes kag 39 diri may unod nga tig P900 pesos nga naga balor tanan sang P35,100.
Gindakop si Adalim bangud gina alegar ang nakuha nga sample ballots kag kwarta ang gamiton kun tani sa vote buying.