Ginpadulungan nanday Bacolod Disaster Risk Reduction Management Officer nga si Dr. Anna Maria Laarni Pornan kag Councilor Pao Sy kaupod ang City Engineers Office para inspeksyonon ang gina reklamo nga wala naga hubas nga tubig baha sa Jayme Subdivision, Purok Kasilingan Uno sa Barangay Mansilingan.
Ang pag baha ang tuga sang kapaslawan sang developer nga mag butang sang drainage system sa subdivision kag wala nagamait nga alagyan sang tubig.
Ang CEO kag DRRMO ang nagdala sang water pump para ipasuyop ang wala naga hubas nga tubig para malikawan nga pangitlogan sang lamok kag indi magresulta sa pagdamo sang kaso sang dengue.
Ginpatun-an pa ni Mayor Albee Benitez sa City Engineer kun paano matagaan sang permanente nga solusyon ang problema sang mga residente.