Ginsiling ni City Legal Officer Atty. Karol Joseph Chiu, nagapadayun pa ang imbestigasyon sang ila talatapan angut sa reklamo batuk sa duha ka empleyado sang City Treasurer’s Office nga gina alegar naga pangolekto sa kagab-ihon.
Ini suno sa iya agud makompleto ang mga dokumento kag ebidensya antes magpagwa sang bisan ano nga pormal nga mando kaangay sang show cause order.
Suno pa kay Chiu, nga ang imbestigasyon naghalin sa reklamo nga ginbaton sang opisina ni Mayor Greg Gasataya nga koleksyon sang tax kun gab-i kag paghatag sang temporaryo nga resibo sa pila ka establisimento nga napahayag man nga nakuhaan sang CCTV footage kag iban pa nga gina-validate nga pruweba.
Ginpasiguro ni Chiu nga ang inspeksyon dapat ginahimo lamang sang otorisado nga joint inspection team kag ginpanawagan ang publiko kag mga tag-iya sang establisimento nga mag-report sang bisan ano nga kaangay sini, bangud ini ang wala ginatugutan sang Bacolod City Government.*
[sibwp_form id=1]