Veterinary Medical Mission kasubong man relief assistance sa mga apektado nga animal raisers bangud sang paglupok sang bulkan Kanlaon ang ginsugdan na. Samtang rehabilitation plan ang ginatutukan naman karon sang Office of the Provincial Agriculturist.
Una nga nagpatigyaon sang veterinary medical mission kag pagpanagtag sang relief assistance sa mga naga sagod sang sapat sa Brgy Ilijan sa Bago City. Nalakip sa ginpanghatag sang PVO upod sa mga parters sini ang feeds kag mga bulong para sa carabao, baka, kanding, poultry kag mga baboy. Nagpatigayon man sang veterinary medical mission sa Brgy Yubo sa La Carlota City.
Samtang nag tipon na sang soil samples gikan sa mga lugar nga apektado sang paglupok sang bulkan ang composite team gikan sa Soils Laboratory kag High Value Crops Development Program sang Department of Agriculture – Western Visayas. Ang amo nga mga tests suno sa DA ang maga assess sang soil health, nutrient levels kag contamination. Ang findings importante sa rehabilitation effort sang ahensya nga maga tutok sa pagbalik sang soil fertility kasubong man pagpili sang tanom nga nagakaigo sa kondisyon sang duta subong.
Sa June 11 nga report sang OPA 68.4 million pesos ang balor sang kahalitan sa pananum kag fisheries. 65.9 million pesos ang kahalitan sa high value crops, 1.3 million sa palay, 555,000 sa mais kag 595,000 sa fisheries. Suno kay Dina Genzola ang OIC provincial agriculturist naga pabilin estable ang presyo sang utan sa La Castellana bangud padayon ang pag produce sang mga farm areas nga yara sa lowlands.