Wala makahibalo ang ini nga lalaki nga naga dala sang tricycle nga one way na ang aguinaldo street. Ginsugata niya ang tanan man nga motorsita.
Ang Aguinaldo Street ang para sa mga gikan sa south padulong sa north sa Gatsulao naman ang halin sa north kag pa south.
May mga dalanon naman nga ginhimo nga one way indi para ma minimize ang pag left turn sang mga salakyan kag para may area nga maparkingan ang mga motorista kag mahawanan ang lacson street. Suno kay major junji liba ang pamuno sang bacolod traffic authoruity office, sa una nga adlaw sang implemenstasyon indi gid man malikawan nga may mga wala pa makahibalo sang panibag-o nga traffic scheme.
Ang mga barangay officials kag tanod sang barangay 4 nag bulig sa pagpatuman sang bag-o nga pagsulundan sa traffic.
Suno kay Punong Barangay Antonio Ongsingco, bentaha man nga mapa hagan hagan ang traffic sa sini nga mga dalan. Gani nag assist sila sa btao sa pagpatuman sini.
Sanday Kagawad Jao Pastrana nagbulig man pahibalo sa mga motorista nga one way na ang gatuslao kag aguinaldo pero gina tinghuaan gid nila nga malikawan ang bianisay sa mga drayber.
Sa Circumferential Road naman, imbis nga 6am-9pm… Ginhimo na 6am tubtob 8am ang total truck ban kag 4pm-9pm. Humalin naman las 9 sang gab-i tubtob las sais sang aga pwede lang maka labay ang mga truck kag humalin naman 8am-4pm regulated ang entry sang mga truck. Indi sila pwede mag sinundanay kag may interval lang kada lima ka minutos para indi mag dinaguso.
Ang mga may karga naman nga essential goods ang exempted. Magalawig ini sang nubenta ka adlaw kag pwede man nga mapauntat ukon ma extend. Ini ang pamaagi sang siudad para ma solusyonan ang naga lala nga traffic sa Bacolod.