Ang regular nga empleyado nga mag positibo sa confirmatory drug test ang iga paidalom sa administrative proceedings.
Ini suno kay Provincial Legal Officer, Alberto Nellas, Jr., nga nagsiling man nga sarang ma contest sang natungdan nga empleyado ang resulta sang confirmatory test pero ini sa gasto na sang empleyado.
Sandig sa provision sang drug free workplace may confidentiality ang kasubong nga mga kaso.
27 ang nagpositibo sa drug test sa mga empleyado sang Negros Occidental kag ang mga JO, casual kag COS ang wala na ma renew para sa 2024.
Wala na ginpatpat kun pila sa 27 ang mga regular nga empleyado.
May due process ang tagsa-tagsa suno kay Nellas kag bukas nga ma depensahan ang ila kaugalingon.
Depende sa dalagan sang resulta sang proceedings sarang man nga ma kakas sa serbisyo ang isa ka regular nga empleyado.