Sumugod subong nga adlaw ang inspection kag emission sa mga light vehicles para sa registration renewal ang ipaagi na sa mga Private Motor Vehicle Inspection Centers ukon PMVIC.
Suno kay Reuben Tampos ang pamuno sang Land Transportation Office sa Bacolod, naka baton na sila sang memomorandum nga ang mandatory inspection kag smoke emmission testing sa mga light vehicles ukon ang may 4,500 kilograms and below gross weight, lakip na mga motorsiklo kag tricyce ang ipaagi na sa PMVIC.
Sa 2020 nga record sang LTO Bacolod masobra sa 89,000 ang kadamuon ginakabig light vehicle nga nagalikp sang mga motorsiklo kag tricycle.
Sa Bacolod, may isa lamang ka accredited nga PMVIC sa karon kag ini ang napahamtang sa Bredco area. Sakop sang LTO Bacolod ang mismo siudad sang Bacolod, Silay City, Talisay City, banwa sang Murcia kag Bago City.
Kun bala masarangan sang isa lamang ka PMVIC ang mga light vehicles nga nakarehistro sa mga lugar sakop sang LTO Bacolod isa sa mga ginalantaw nga concern sang lto suno kay Tampos.
Ang mga heavy motor vehicles sarang sa gihapon maka paidalom sang emission testing sa mga Private Emission Testing Center ukon PETC.
Abiso ni Tampos sa mga tag-iya sang salakyan nga maga pa renew sang ila nga registration amo nga una magbisita anay sa LTO public portal para mag pa register online.
“Sila lang di ang accredited nga motor vehicle inspection center sa Bacolod. Amo na ang concern namon kun ma cater nila. First kun may gina kadtuan ka nga insurance companies, first issuehan mo insurance, then didto ka ma proceed sa ila (PMVIC) for actual inspection and emission testing sang salakyan. After sang process nila didto, masulod sa system namon ang result. So dal-on mo ang copy mo sang result kag i-submit di sa lto for processing na,” suno kay Tampos.