Masobra sa 2 million na sa karon ang botante sang Negros Occidental lakip na ang Bacolod City. Masobra naman sa 663,000 ang registered Sangguniang Kabataan voters sa probinsya.
Sa datus nga gin pa gwa ni Provincial Elections Supervisor, Ian Lee Ananoria, as of March 6, 2023 nga Election Registration Board Hearing, 2,025,078 ang karon registered regular voters sang Negros Occidental. 341,344 ang iya sang Bacolod.
5,704 naman ang clustered precincts sa karon.
Samtang, sa Sangguniang Kabataan naman, 663,445 ang SK registered voters sa March 6 ERB hearing.
100,625 ang SK registered voters sang Bacolod.
Samtang, August 28 to November 29 naman ang election period kasubong man ang pag patuman sang gun ban base sa calendar of activities sang Barangay kag SK Elections.
August 28 to September 2 ang filing sang Certificate of Candidacy.
Wala naman ginatugutan ang kampanya humalin Setyembre 3 tubtob Oktubre 18.
October 19 to 28 naman ang campaign period. Las 7 sang aga tubtob las 3 sang hapon ang botohay sa October 30.
November 29 naman ang last day nga mag file sang SOCE ukon Statement of Contributions and Expenditure.
[sibwp_form id=1]