Mga isa ka bilyon ka pesos nga pondo ang kinahanglan para sa gina propose nga permanent evacuation site para sa Canlaon City kag banwa sang La Castellana.
Suno kay Regional Task Force Kanlaon head, Raul Fernandez, ang Canlaon City ang may yara sang proposal para sa permanent evacuation site sa 35,000 nila ka pumulmuyo nga apektado sang Bulkan Kanlaon.
Suno kay Fernandez ang proposal naga siling nga maga gamit ini sang container vans kag iga pahamtang sa Barangay Binalbagan sa amo nga siudad nga mga 15 kilometros na ang kalayuon gikan sa summit sang bulkan.
Ini ang maga accommodate sang mga apektado nga pumuluyo sa kada may pagsaka sa alert level sang bulkan.
Ang proposed permanent evacuation site ang multi-purpose man nga sarang magamit bilang venue sa mga dalagko nga pagtililipon kaangay sang jamboree suno kay Fernandez.
Kun tigayon nga ma aprobahan ini sang National Task Force para sa Kanlaon nga gintukod sang presidente, ang amo nga plano ang ipatuman man sa La Castellana.
Suno kay Fernandez indi maglayo ang kadamuon sang pumuluyo nga apektado sa La Castellana kag Canlaon City.
Ugaling wala pa sang lugar nga na identify ang La Castellana para sa permanent evacuation site sini bangud ang damlag ginduso nga site sa Barangay Manghanoy ang indi pwede kay sakop pa ini sang danger zone.
Suno kay Fernandez dapat nga tigayon maka secure sang site ang banwa nga may certification gikan sa PHIVOLCS kag sa Mines and Geosciences Bureau nga naga paseguro nga safe kag aprobado ang amo nga site.
May 84 naman ka pamilya nga yara sa 4 kilometer permanent danger zone sakop sang Canlaon City kag La Castellana ang pangitaan sang permanent relocation site.
Ang National Task Force na ang maga pangita sang pondo para diri.
“I’m talking about permanent evacuation site. Ang kanyang budget is 500 million pesos. Parang mga container vans, yung
smart city. Housing units made out of container vans … dalawang patong siya. Initial na estimate is aabot siya ng 500
million. Yun ang tinitingan nating model for La Castellana halos parehos naman silang number of affected families”, suno kay Fernandez.