Ginpaidalom sa Blue Alert Status ang RDRRMC kasubong man gin-activate ang selected response cluster may kaangtanan sa El Nino sa Western Visayas. Samtang, 24 naman ka LGU sa rehiyon ang napaidalom sa state of calamity.
Sa memorandum nga ginlagdaan ni Raul Fernandez, Chairperson sang Regional Disaster Risk Reduction Management Council kasubong man Office of Civil Defense Regional Director sumugod las 8 sini nga aga, Abril 23, magasugod ang Blue Alert Status sa pag pabaskog ukon sa pag heighten sang monitoring kag coordination sa ano man nga hitabo sa bilog nga tion nga may yara sang El Nino.
Wala labot sa enhanced monitoring and coordination, suno kay Fernandez, ang pagpaidalom sa blue alert isa ka prerequisite para sa OCD agudto magamit ang Quick Response Fund sa response operation angut sa El Niño.
“Yun ang importante dun. That we can now utilize the quick response fund. (how much is that Sir?) Maliit lang siya.Kami ang sa logistics. May kanya kanyang bawat agency may pinapamunuan sila na cluster. So OCD being the lead sa logistics cluster, sa mga transportation needs, sa delivery of goods, kami yung mag po-provide ng assistance sa DSWD, Bureau of Fire, in terms of fuel, andun yung mobility assets natin”, suno kay Fernandez.
Ang probinsya sang Antique ang nag deklara sang state of calamity suno sa iya nga nagakasayuran nga ang 18 ka mga banwa sini yara sa state of calamity. May duha ka LGU sa Iloilo province, isa sa Negros Occidental, duha sa Guimaras kag mismo ang Iloilo City ang yara man sa state of calamity.
Bilang assistance sa mga line agencies nga naga bulig sa mga apektado sang El Nino, magamit ang quick response fund suno kay Fernandez.
Nagdangat naman sa 770 million pesos ang kahalitan sa agrikultura sa rehiyon as of April 16. Pinaka daku ang sa Iloilo Province – 519 million, naga sunod ang Antique – 130 million, Negros Occidental – 78 million, Aklan – 30 million kag Capiz – 12 million pesos.
Suno kay Fernandez ang kantidad ang verified na sang Department of Agriculture. Damlag pa nag-report ang Negros Occidental sang 184.7 million pesos nga kahalitan kag mahimo nga indi pa ini verified suno kay Fernandez.