Natigayon na ang proklamasyon sini nga Martes sang hapon sa mga provincial officials.
Sa boto nga 911,614 ginproklamar nga governor-elect si Negros Occidental Governor Eugenio.
Siya ang maga serbe sa iya nga last and final term.
Daog man ang iya nga tandem, 4th District Board Member Jose Benito Alonso bilang vice governor-elect.
Si Victorias City Mayor Javi Benitez ang gin-proclaim, Congressman elect sang 3rd District.
Si vice governor Jeffrey Ferrer ang gin-proclaim Congressman elect sang 4th District.
Siya ang nag panumpa gilayon kay Governor Lacson.
Gin-proclaim naman si re-electionist Mercedes Alvarez bilang congresswoman elect sang 6th District.
Gin-proclaim man ang iya hinablos nga si Ralph Alvarez bilang board member elect sang 6th District.
Gin-proclaim man bilang Board member elect sang 4th District kanday Paula Alonso kag Bago City Mayor Nicholas Yulo.
Gin-proclaim man nga tagdaug sa 3rd District bilang board member si incumbent board member Andrew Montelibano kag Atty Bambi Depasucat.
Gin-proclaim man tagdaug si re-electionist board member, Pal Guanzon sa second district.
Samtang, nagapasalamat si Lacson sa higayon nga ginhatag sa iya sang mga Negrense nga makapangalagad para sa iya third and final term.
Saad niya padayon siya nga magserbe nga may pagkatampad kag integridad.
Mensahe niya sa mga nagdaog nga ihatag ang ila nga best sa pag pangalagad labi na nga ang tatlo ka tuig tuman ka lip-ot nga panahon.