Pagtunga sang Bacolod sa duha ka distrito paagi sa Redistricting Bill ang ginalauman sang kongresista nga matigayon antes pa man sang 2025 local elections.
Suno kay Bacolod City Lone District Representative Greg Gasataya makabig nga long overdue na ang pagtunga sang siudad sa duha ka distrito.
Gani gina lauman niya nga antes sang 2025 local elections maaprobahan na ang ginduso nga House Bill 297 ukon ang redistricting bill nga iya liwat nga ginfile sa 19th congress.
Nagapabilin ini nga prayoridad sang Committee on Local government sang kongreso kag suportado man ni Senador JV Ejercito sang Committee on Local Government sang senado.
Dako ang pagpati sang kongresista nga bentaha ang duha ka representation sa kongreso para man sa madasig nga pag-uswag sang siudad.