Rasyon sang tubig nagapadayon sa mga barangay sa Bacolod nga makabig red kag orange areas ukon mga lugar nga may inoras lang nga nagatubod ang tubig. Humalin sang nagligad nga semana sang ginsuguran sang Bacolod City DRRMO upod sa mga pribado nga organization ang pagpanagtag sang tubig sa mga barangay nga ginakulang sang supply sang tubig.
Ginsiling ni DRRMO head Dr. Anna Maria Laarni Pornan, may kinse tanan ka mga water tanker ang gintalana para mag deliver sang water supply sa mga komunidad.
Naga gwa sa data sang DRRMO nga masobra 30 porsyiento sa mga barangay sa siudad ang inoras lang nga may nagatubod nga tubig halin sa Baciwa-Primewater.
Ang Maniwa Water Company, Amity kag Chamber Volunteer Organization, Red Cross kag opisina ni Councilor Cindy Rojas ang nagabulig deliver sang tubig gamit ang ginapahulam nila nga water tanker sa siudad.
Kabahin sa mga lugar nga napalab otan sang water supply ang Barangay 27, Handumanan, Taculing, Mansilingan kag Villamonte.