Rape ang naga panguna sa mga reklamo nga gina atubang sang mga Children in Conflict with the Law sa Western Visayas.
Ini sandig sa datus sang Department of Social Welfare Development Office VI. Suno kay Arwin Razo, ang Assistant Regional Director sang DSWD Field Office VI may 648 ka mga CICL sa rehiyon. Sunod sa rape amo ang theft, robbery, murder kag drug-related cases. Ang isa ka menor de edad nga ginreklamo ukon suspek pa lamang sa isa ka kaso, may pending na nga kaso kag ang yadtong yara sa sa mga institution ang gina kabig nga CICL.
“This is a problem that requires the participation of all stakeholders. Kailangan talaga na paigtingin natin ang community based interventions, which I think is more on the preventive side. We have to take note and recognize that a child at risk or child in conflict with the law is part of his or her immediate environment”, suno kay Razo.
Suno kay Atty. Tricia Clare Oco ang Executive Director sang Juvenile Justice and Welfare Council sa bilog nga Pilipinas sandig sa datus gikan sa ila nga Management Information System, may 3,076 ka mga CICL.
Drugs, rape kag theft ang mga nagapanguna nga mga kaso. Pero klaro niya, kay indi pa man tanan ang naga gamit sang MIS sa ila nga reporting indi pa ini makabig nga reflective ukon makabig kumpleto nga datus para sa bilog nga pungsod.
May lain man nga datus ang PNP. Ginaduso ang community based intervention para sa sining mga kabataan.
“Sa situational analysis na aming ginagawa ngayon, malaki po yung factor ng family. Malaki po yung factor ng environment na kinagagalawan nila at malaki rin po ang influence ng peers” suno kay Oco.
Bilang panugod sa 11th Juvenile Justice and Welfare Consciousness Week ginpatigayon ang turn over sang assistance kits nga kabahin sang 75 million pesos nga support para sa bahay pag-asa project sa bilog nga pungsod. Pila sa nalakip sa pondo ang training para sa mga staff kag residents sang Bahay Pag-Asa, mga supply and materials, subsidy sa mga kabataan kag mga therapeutic intervention.