Nangin pisikal na ang pagsugod pa lang sang hampang sa tunga sang mga players sang Purok Malipayon kag Purok Paghigugma sa Barangay Alijis gym sang Sabado sang gab -i.
Tubtob nga wala napaiway ang pagbayluhanay sang inomol sang duha ka mga players.
Resulta nga nag-intra na ang iban pa nga players kag tumalan-aw sa rambol.
Sa isa ka video makita pa ang isa ka lalaki nga nag haboy sang bola sa mga naga rambol.
Napunggan ang gamo sang magpatunga na ang mga tanod sang barangay.
Ginpatawag na ni Punong Barangay Donnie Dela Vega ang players sang magtimbang nga team.
Nagpaandam siya sa iban pa nga humalampang, ilabi na sa nagatuga sang ginamo sa liga sang basketball nga i-ban sila sa liga sang barangay.
Ang liga ang gin organize sang Sangguniang Kabataan bilang kabahin sa pagpanghanda sa natalana nga kapiestahan sa Oktubre 27.