Rainwater catchment facility projects kabahin sa water management and security plan nga iga-present ni Mayor Albee Benitez sa business summit sa Nobyembre 22.
Sa pag dayalogo sang management sang Bacolod City Water District kay Mayor Albee Benitez ila ginduso ang Rainwater Catchment Facility project nga magapahagan-hagan sang kakulang sang water supply sa Barangay Tangub, Mansilingan, Sum-ag, Banago, Mandalagan, Taculing, Vista Alegre, Handumanan, Singcang-Airport kag Felisa.
Target nila nga masuguran ini sa first quarter sang madasun nga tuig. Ginpahayag sang alkalde nga ang proyekto kabahin lamang sa mga iga-present nga water management and security plan sa natalana nga business summit sa Nobyembre 22.
Sa natalana nga pagsinapol luyag sang alkalde nga makuha ang bahin sang business sector angut sa master plan para masiguro ang supply sang tubig sa siudad.