Raffle sang mga stalls sa Libertad Market Annex Building patigayunon sang siudad sang Bacolod antes matapos ang bulan sang Mayo.
Nakasugtan sang katapo sang Local Market Committee upod sa mga miyembro sang vendors association sang Libertad Public Market nga dal-on ang tanan nga mga ngalan nga yara sa masterlist agud nga malakip ini sa pag raffle sang mga stalls sang annex building.
Suno kay Councilor Celia Flor, pamuno sang Committee on Markets and Slaughterhouse sang konseho, tinguhaan nila nga ma-raffle na ang mga stalls antes matapos ang bulan sang Mayo.
Kutob sa indi matagaan sang pwesto, tagaan prayoridad sang siudad sa patigayunon nga night market sa Amelia kag Mercedes street.
May masobra lang sa 200 ang available stalls sa merkado pero nagalab-ot sa masobra 300 ang mga nagapakilala lehitimo nga market vendors.